قصيدة رابع يوم.. من أشعار سمو الشيخ حمدان بن محمد بن راشد آل مكتوم

هذا اليوم رابـع يوم والجـو رعـد وْبـرق
وهذا اليوم رابـع يوم والشـوق ذابحنـي

وهذا اليوم رابع يوم والنبض وسط العِرق
يقول ابتسم وان كنت غلطان سامحني

واذا قلت ما بينك وبين السـحابه فـرق
لأنـها تـريّـحـنـي .. وشـوفـك يريّـحـنـي

ياسيّد بنات الحسن في الغرب والاّ الشرق
يا ليتـك تـمـسّــينـي غـرام وتصبّـحنـي

عيونك وسيعه يا ماشالله وعودك طرق
لكن ساترٍ عودك ورمش الجفن محنـي

قبل تنزل فـ وحل الهجر خاف ربّك وارق
على قمّـة الوصـل وتـأمّـل يا جارحنـي

يطيح المولّع حزن لا سمع نوح الورق
وانا لو قطـعت مْواصـلك ما تطيّحنـي